Nei ég er ekki byrjuð að nota þessa síðu aftur.....

Málið er bara það að sumir sem hafa beðið um lykilorðið á 123.is síðuna mína hafa fengið svarsendingu frá 123.is með lykilorðinu og í sumum tilvikum virðist sá póstur fara í "trash can"

Semsagt þið sem hafið ekki fengið póst frá mér/123.is þá skrifið bara nafnið ykkar og e-mail hér í commentin og ég sendi ykkur lykilorðið um hæl, það er að segja ef ég er að fíla ykkur

Fleira var það ekki, sjáumst á 123.is/hebarut

Ég er búin að færa mig um set.

Er komin með nýja bloggsíðu.

http://www.123.is/hebarut

Við Heiðar viljum óska ykkur öllum þarna úti gleðilegra jóla og farsældar á komandi ári.
Þökkum fyrir gott og skemmtilegt ár.

Vonumst til að sjá meira af ykkur á nýju ári þar sem að við erum búin að vera svo upptekin meiri partinn á þessu ári sem er að ljúka.

GLEÐILEG JÓL !!

Jæja loksins komnar myndir.

Þær eru hér til vinstri á síðunni alveg neðst undir húsið.

Mamma alveg neðst haha

Fyrir:

Eftir:
 

Munur???

Mér sýnist það á öllu að ég verði að fara að taka mig á í blogginu.
Heimsóknirnar á síðuna hafa farið minkandi.

Þessa dagana er ég bara að bíða eftir að Heiðar komist í jólafrí. Ég er búin að vera frekar eirðarlaus upp á síðkastið enda löngu búin að öllu fyrir jólin. Ég verslaði flest allar jólagjafirnar þegar ég var fyrir sunnan og föndraði jólakortin líka þá.
Núna er ég svo einnig búin að baka og versla allt inn, svo ég bíð bara eftir að jólin komi.
Þrátt fyrir allt þetta jólastúss er ég ekki ennþá komin í neitt jólaskap. Ekki get ég kennt stressinu um það því ég er búin að hafa það mjög rólegt og náðugt.
Ég vona að jólaskapið komi þegar Heiðar fer í frí.

Ég var nú búin að lofa ykkur myndum og vona ég að ég geti farið að standa við það loforð.
Málið er þannig að myndavélin okkar er ónýt. Ég fékk svo myndavél lánaða hjá tengdó en þá var snúran týnd. Hún er nú reyndar komin í leitirnar, fannst í gær svo ég vona að ég fari að koma þessu á netið fljótlega. Fyrir þig mamma

Jiii ég er svo andlaus
Læt þetta því duga í bili.

Heyrumst fljótlega!

Loksins loksins erum við komin með netið !

Alma farðu þá að hringja haha!

En hey er að baka, má ekki vera að þessu.

Sæl veriði.

Ég er ennþá án síma og internets !

Þau hjá símanum sögðu að þetta tæki eina til tvær vikur en í gær voru tvær vikurnar liðnar svo ég vona að þetta fari að koma bráðlega.

Þá set ég inn myndir og svona, veit að sumir bíða spenntir.

Læt heyra í mér betur þegar ég verð komin með netið.

Ég er flutt !!!!!

Allir velkomnir að kíkja í heimsókn til okkar. Búin að taka upp kaffivélina.

Set inn myndir seinna. Þegar ég verð búin að koma mér almennilega fyrir og komin með internetið og svona.
Er að fara niður í símabúð á eftir og láta opna fyrir símann og netið, veit bara ekki hversu langan tíma það tekur.

Jæja, farin að taka upp úr kössum

Helgin var góð, mjög góð. Á föstud. hittumst við stelpurnar heima hjá Árný og elduðum saman. Sötruðum, kjöftuðum og hlógum saman langt frammeftir og skelltum okkur svo í bæinn. Dönsuðum frá okkur allt vit og fórum ekki heim fyrr en allt var að loka.
Stelpur, setjið inn myndir!!

Ég býst við að ég fari heim á þriðjudaginn. Verð þá búin að vera hér hjá M&P í tvær og hálfa viku. Ég er búin að hafa það mjög nice hér, aðallega í afslöppun bara.

Í hvert skipti sem ég fer í Reykjavíkina geri ég mér meira og meira grein fyrir því hvað ég er rosalega sátt og ánægð með lífið á Egilsstöðum.
Ég hef svo enga þolinmæði fyrir höfuðborgarsvæðinu. Allt í stressi og maður stressist bara allur upp á að vera þarna. Umferðin, jesús minn. Hún bara gengur ekki neitt. Og frekjan í fólki! Úff ég verð bara pirruð við að skrifa þetta.
En mikið rosalega er ég líka fegin að smekkur manna er misjafn því annars myndu allir búa á Egilsstöðum og þá væri sjarmurinn farinn af bænum.

En yfir að öðru.
Árni Johnsen aftur á þing! Er ekki allt í lagi?!?
Þessi maður stal af okkur öllum, hann stal af allri þjóðinni, mér og þér! Og það á meðan hann sat á þingi. Hann sat í fangelsi, hann er afbrotamaður.
Þetta er örugglega einsdæmi í öllum heiminum að maður sem setið hefur í fangelsi sé kosinn á þing.
Þið sem kusuð hann, mér finnst þið vera heimsk.

En jæja, nóg af röfli.
Á morgun er Mánudagur og svo kemur Þriðjudagur og þá fer ég heim!! Jeijjj.

En núna ætla ég að fara að hafa það kósý fyrir framan sjónvarpið með mínum elskulegum foreldrum.

Later ...

Ég vil fara heim. Ekki seinna en strax!!

Ég er farin að sakna Heiðars óbærilega mikið!!

Fjandans skíta veður alltaf hreint. Ég er veðurteft frá ástinni minni.

Ég er búin að hafa það alveg rosalega gott hérna hjá mömmu og pabba.
Ég ætlaði nú að vera miklu meira í Reykjavíkinni og gera miklu meira af mér en í staðin er ég búin að "hanga" rosalega mikið bara hérna í Þorlákshöfn og slappa af.

Þrátt fyrir alla letina er ég búin að afreka ýmislegt.
*Fara í afmæliskvöldverð til hennar Ölmu minnar.
*Fór í bíó að sjá Mýrina.
*Föndraði helling af jólakortum.
*Búin að skrifa öll jólakortin.
*Búin að versla allar jólagjafirnar.
*Búin að pakka inn slatta af jólagjöfum.
*Fór í klippingu. Fékk mér topp, smá breyting.
*Sauma út í jólaskraut.

Æ hvað ég er fegin að vera búin að flest öllu þessu jóla jóla. Þá hef ég desember til að koma okkur fyrir í nýja fallega húsinu.
Það helsta í fréttum varðandi framkvæmdirnar á fallega fallega húsinu eru þær að eldhúsinnréttingin er komín upp. Ég er rosalega spennt að koma heim og sjá hana.
Á meðan ég hef það gott hérna hjá M&P er Heiðar minn bara heima að vinna og vinna í húsinu. Hetja, hetja, hetja,hetja!!!

Ég veit ekki alveg hvenar ég sný aftur á austurlandið. Er svona að spá hvort ég leggi í að keyra heim um helgina, Laugard. eða Sunnud.
Á Föstudaginn ætla ég nefninlega að skella mér út á lífið og djamma af mér rassgatið. Ætlum að hittast vinkonurnar og hafa gaman saman.

Ekkert fleira í fréttum í bili, læt heyra frá mér síðar.

Ahahahahaha þið bara verðið að horfa á þetta:

http://fadedyouth.blogspot.com/2006/08/howard-sterns-small-penis-contest.html

Ég eiginlega veit ekki hvað skal segja, vissi ekki að þetta væri hægt

Comment takk!

Hún á afmæli í dag.
Hún á afmæli hún Alma.

Innilega til hamingju með daginn elsku Alma mín!!

Þó að ég hafi ekki búið "heima hjá mér" síðan að ég var 16 ára þá var ég fyrst að skrá mig frá mömmu og pabba í dag. Já það er erfitt að slíta sig frá.
Og fyrst að ég var nú að breyta lögheimilinu mínu þá ákvað ég að skrá okkur Heiðar í sambúð í leiðinni. Kominn tími til? Já það held ég, búin að búa saman síðan á 17 ára afmælisdaginn minn.

Mér finnst ég alltaf vera bara 17 ára. Er ekki tilbúin að verða "fullorðin"
Núna finnst mér ég vera orðin aðeins meira "fullorðin" Ekki lengur með lögheimili hjá mömmu og pabba og komin í sambúð. Þó að þetta sé alveg rosalega lítið skref þá finnst mér það stórt.

Með því að halda upp á þennan stóra áfanga í lífinu ætla ég að flytjast suður til mömmu og pabba í nokkra daga/vikur.

-Heba sem er aðeins meira fullorðin í dag en í gær.

Það er kona að ónáða mig í sífellu.

Hún hringir stöðugt í gemsann minn og heldur að hún sé að hringja í talhólfið sitt.
Í fyrstu kynnti hún sig og baðst afsökunar, hún hélt að hún væri að hringja í talhólfið sitt. Allt í góðu sagði ég.
Í annað skiptið hló hún og baðst aftur afsökunar. Nú þegar hún hringir, skellir hún á þegar ég svara.

Svona er þetta búið að vera í mánuð og löngu hætt að vera fyndið.

Pirripúú!!